Bugungi kunda yurtimizda san'atga, madaniyatga juda katta e'tibor qaratilmoqda. Hududlarda joylashgan san'at maktablarida esa san'at ustalari, madaniyat sarbonlari tarbiyalanmoqda desak aslo mubolag'a bo'lmaydi. Ustozlarning bergan ta'limi va ota-onasidan olgan tarbiyasi sabab bugungi kunda ko'plab yoshlarimiz turli musobaqalarda yuqori natijalariga erishib kelmoqda.
Ana shunday yutuqlardan biri “Khiva Art Fest–2026” xalqaro tanlovida qo'lga kiritildi.
Xorazm viloyatida oʻtkazilgan xalqaro tanlovda Narpay tumanining 27-son Bolalar musiqa va sanʼat maktabi "Zardoʻzlik" sinfi oʻquvchisi Normurodova Dilnoza hamda "Chang" sinfi o‘quvchisi Melixurramova Marjona ishtirokchilar ichida tengsiz deb topildi va hakamlar hayʼati eʼtirofiga sazovor boʻlib, faxrli 1-oʻrinni qoʻlga kiritishdi.
O'quvchilarni ushbu yutuq bilan tabriklaymiz va kelgusidagi faoliyatida ulkan muvaffaqiyatlar tilaymiz!!!