MUSIQA VA SAN'AT MAKTABLARI DIREKTORLARI UCHUN MALAKA OSHIRISH KURSLARINING 4-GURUHI MASHG'ULOTLARI BOSHLANDI
Oʻzdsmi huzuridagi Malaka oshirish tarmoq markazida Bolalar musiqa va san’at maktablari direktorlari uchun tashkil etilgan malaka oshirish kurslarining 4-guruhi mashgʻulotlari boshlandi.
Kursning ilk kunida Malaka oshirish tarmoq markazi rahbari A. Mirzajanov tinglovchilar bilan uchrashib, malaka oshirish kursining maqsad va vazifalari, o‘quv jarayonining tashkil etilishi hamda tinglovchilar uchun yaratilgan imkoniyatlar haqida batafsil ma’lumot berdi.
Kunning birinchi yarmida mashgʻulot "Yangi Oʻzbekistonda san’at ta’limi: islohotlar, imkoniyatlar va istiqbollar" moduli doirasida tashkil etildi.
Ushbu mashg'ulotlarda Samarqand viloyatidagi bolalar musiqa va san'at maktablari direktorlari ham ishtirok etishmoqda, jumladan Narpay tuman 27-son bolalar musiqa va san'at maktabi direktori Jasur Jomurodov ham malaka oshirish kurslarida qatnashmoqda.
✔️ Mazkur darsni Oʻzbekiston davlat san’at va madaniyat instituti professori, falsafa fanlari doktori Sayyora To‘ychiyeva olib borib, mamlakatimizda san’at ta’limi tizimida amalga oshirilayotgan islohotlar, zamonaviy rivojlanish tendensiyalari hamda istiqboldagi ustuvor yoʻnalishlar yuzasidan atroflicha fikr-mulohazalar bildirdi.
Malaka oshirish kurslari davomida tinglovchilar rahbarlik faoliyatini yanada takomillashtirishga xizmat qiluvchi dolzarb bilim va amaliy ko‘nikmalarni egallashlari ko‘zda tutilgan.
Sifatli ta’lim – samarali boshqaruv sari muhim qadam!