Iqtidorli o‘quvchilarni aniqlash hamda yoshlarning san’atga bo‘lgan qiziqishini oshirish maqsadida tumandagi 27-son Bolalar musiqa va san'at maktabida “Ochiq eshiklar kuni” tadbiri o‘tkazildi.
Tadbir davomida o‘quvchilar va ularning ota-onalari maktabdagi mavjud sharoitlar, o‘quv jarayoni hamda turli san’at yo‘nalishlari bilan yaqindan tanishtirildi. Shuningdek, o‘qituvchilar tomonidan ijodiy chiqishlar, amaliy mashg‘ulotlar va namoyishlar o‘tkazilib, bolalarning qobiliyatlari sinovdan o‘tkazildi.
Mazkur tadbir yosh iste’dodlarni aniqlash, ularni san’atga jalb etish va ijodiy rivojlanishiga ko‘maklashishda muhim ahamiyat kasb etdi.